අප පාසල නැගෙනහිර පළාතේ පිහිටි  කීර්තිමත් පාසලකි.අප සිසු දරුවන් කලාප, පළාත් මෙන්ම ජාතික මට්ටමේ ජයග්‍රහණ රාශියකට උරුමකම් කියන අතර, පාසලෙන් බිහි වූ විශාල විද්වතුන් ප්‍රමාණයක් රටේ ඉහළ තැන්වල තනතුරු දරමින් රට දැය වෙනුවෙන් සුවිශේෂි මෙහෙවරක් ඉටු කරති.දරුවන් අඩු තාක්ෂණික පහසුකම් මධ්‍යයේ වුවද එම දුෂ්කරතා ජයග්‍රහණය කිරීමට ඔවුන් නිබඳව කැප වීම පිළිබඳව මා ඉතා සතුටට පත් වෙමි. පාසල පිළිබඳව තොරතුරු සෙවීමේදී දරුවන් ගත් උත්සාහයන් අගය කළ යුතුය.මෙම වෙබි පිටුව මගින් පාසලේ තොරතුරු යාවත්කාලීන කිරීම සිදු කළ හැකි බැවින් වෙබ් අඩවිය ඔස්සේ අප පාසලේ කටයුතු නැරඹීම තුළින් ලෝකයට විවර කරදීමට අවස්ථාව ලැබේ.

අප විද්‍යාලය සමග සම්බන්ධ සියළු පාර්ශවයන්ට අප පාසල් වෙබ් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි. මෙම සයිබර් ලොවට පියාපත් වැඩසටහන හා අත්වැල් බැදගත් සැමටද මෙම කර්තව්‍ය සාර්ථක කර ගැනීම සඳහා දරුවටන්ට මඟ පෙන්වූ  තොරතුරු තාක්ෂණ විෂයභාර ගුරුතුමිය ඇතුලු සියලුම දෙනාට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින සාර්ථක වේවා යි මා ප්‍රාර්ථනා කරමි.